Bjørnafjorden næringsråd inviterer til ein afterwork fredagen før valdagen – i Oseana.

I ei uformell og sosial setting, kan me saman oppsummere det valkampen har gjeve oss næringspolitisk – (nesten) dagen-før-dagen, og samstundes kombinere dette med eit interessant blikk på amerikansk politikk.

Same ettermiddag held nemleg Thomas Seltzer foredraget «Hva nå, mitt elskede Amerika?»

Sjølve foredraget krev eigen billett. Næringsrådet sine medlemsbedrifter har fått tilbod frå Oseana Kunst & Kultursenter om billettar til fordelaktig pris – kr 300. (kr 390 er ordinær pris – inkl avgift).

Om foredraget;

USA anno 2025: Eit gigantisk bilkræsj i sakte film – eller ein stormakt som på dramatisk vis er i ferd med å finna opp seg sjølv på nytt?

For oss i Norge har dette enorme landet på den andre sida av Atlanteren blitt til ein endelaus thriller-serie som er både dramatisk, tragisk, komisk, spennande – og hjarteskjerande.

I dette foredraget vil Thomas Seltzer ta oss med på ei reise langs dei forskjellige vegane hans elska fedreland kan gå i åra som kjem, og kva USA vil bety for resten av verda i framtida.

Program for ettermiddagen:

17:00 – Dørene opnar i Oseana, sal av forfriskningar
17:30 – Lett program med blikk på valkampen, (detaljar kjem)
18:45 – Afterwork vert runda av
19:00 – «Thomas Seltzer: Hva nå, mitt elskede Amerika?» (krev eigen billett)

Slik får du og bruker rabatten til næringsrådet:

• Meld deg på i skjema for Afterwork
• Du får tilsendt ei kvittering for påmeldt afterwork. Denne inneheld også ein rabattkode du kan benytte ved kjøp av billett til showet.
• Gå inn på showet si side hos Oseana. https://www.oseana.no/event/hva-na-mitt-elskede-amerika-foredrag-med-thomas-seltzer/
• Velg seter og antall billettar.
• Velg billettype «Bjørnafjorden næringsråd». NB: Prisen på billett vil framleis stå som fullpris.
• Klikk deg vidare. Du skal legge til rabattkoden litt seinare i bestillinga, der det står rabattkode. Der legg du inn koden du får tilsendt etter påmelding i skjemaet på denne sida.

Anna praktisk info

Afterwork fram til kl 19:00 er gratis å delta på for næringsrådet sine medlemmer. Det vert sal av forfriskningar.

Har du allereie sikra deg billett til foredraget, og ønskjer å møtes til Afterwork, er det berre å melde seg på.

Om du berre ønskjer å møtes til afterwork, og ikkje showet etterpå, er det også mogleg.